Fræðslu- og lýðheilsusvið: Verkefnastjóri fjármála og rekstrar

Skrifstofa fræðslu- og lýðheilsusviðs óskar eftir verkefnastjóra fjármála og rekstrar. Um er að ræða ótímabundið starf í 100% starfshlutfalli og unnið er í dagvinnu. Æskilegt er að viðkomandi geti hafið störf 1. október 2026 eða eftir samkomulagi.

Skrifstofan er stoðdeild á fræðslu- og lýðheilsusviði. Innan hennar er höfð yfirumsjón og eftirlit með rekstrareiningum sviðsins á sviði skólamála, skólaþjónustu, tómstunda-, forvarna- og íþróttastarfs, auk þess sem veitt er ráðgjöf á þeim sviðum.

Hlutverk verkefnastjóra fjármála og rekstrar er að styðja stjórnendur sviðsins í rekstri, einkum á sviði fjármála með greiningu, eftirfylgni og gerð fjárhagsáætlana. Verkefnastjóri hefur yfirumsjón með rekstri og áætlanagerð fyrir stofnanir sviðsins.

Helstu verkefni eru:

• Umsjón með fjárhagsáætlun og rekstri allra eininga sviðsins í samvinnu við stjórnendur, þar á meðal gerð greinargerðar með fjárhagsáætlun.
• Umsjón með gerð launaáætlunar í samstarfi við stjórnendur og stofnanir sviðsins, ásamt millifærslum vegna samstarfsverkefna.
• Ráðgjöf til stjórnenda í fjármálum og rekstri.
• Eftirlit með rekstri og reglubundin skýrslugerð.
• Söfnun og úrvinnsla gagna fyrir langtímaáætlanir og spár.
• Samþykkt reikninga sem ekki falla beint undir einstaka stjórnendur, svo sem vegna sameiginlegs kostnaðar (t.d. skólaaksturs, mötuneyta og annarra sameiginlegra verkefna), og reikninga sem skiptast milli aðila.
• Ráðgjöf og eftirlit með rekstri skólamötuneyta.
• Gerð rekstrargreininga og skýrslna fyrir stofnanir og einstök verkefni.
• Þátttaka í innleiðingu og þróun verkferla, verklags og kerfa.
• Umsjón með innheimtu vegna seldrar þjónustu, svo sem námskeiða, kennslu, samninga og þjónustu við önnur sveitarfélög.
• Samantekt tölulegra upplýsinga um rekstur og áætlanir, m.a. rekstraryfirlit fjárhags- og starfsáætlana.
• Umsjón með úthlutun stoðþjónustu í leik- og grunnskólum í samráði við forstöðumann skólaþjónustu.
• Er tengiliður við fjársýslusvið sveitarfélagsins vegna heildarreksturs eininga innan sviðsins, í samstarfi við forstöðumann skrifstofu.
• Hefur umsjón með útboðum á sviði fræðslumála (t.d. ræstingar, skólaakstur, mötuneyti og námsgögn), kemur til framkvæmdar og veitir eftirfylgni.
• Aðstoð við stjórnendur vegna launaupplýsinga og útreikninga.
• Yfirferð vinnuskýrslna grunnskólakennara í upphafi skólaárs í samráði við skólastjórnendur.
• Umsjón með samningum við verktaka og uppgjöri vegna utanskólavalgreina.
• Umsjón með samstarfi grunnskóla og íþróttafélaga vegna útleigu húsnæðis.

Menntunar- og hæfniskröfur:

• Háskólamenntun (BSc/BA eða sambærilegt) sem nýtist í starfi s.s. á sviði fjármála, viðskipta, hagfræði eða verkfræði.
• Framhaldsmenntun sem nýtist í starfi er kostur.
• Þekking og reynsla af verkefnastjórnun.
• Reynsla af rekstrartengdum verkefnum.
• Þekking á málaflokkum sviðsins er æskileg.
• Þekking á opinberri stjórnsýslu kostur.
• Krafist er góðrar tölvufærni, mikillar hæfni í notkun Excel og bókhalds- og skjalakerfum.
• Færni í framsetningu gagna og annara upplýsinga í skýrsluformi.
• Reynsla og þekking á hreinsun og úrvinnslu gagna og tengingu gagnasetta er kostur.
• Þekking á gagnagreiningatólum, t.d. PowerBI, er kostur.
• Geta og færni til að öðlast nýja þekkingu og tileinka sér notkun nýrra forrita og vinnubragða.
• Góð greiningarhæfni og talnalæsi.
• Geta til að vinna sjálfstætt og markvist að eigin verkefnum.
• Samskiptafærni, sveigjanleiki og víðsýni.
• Metnaður til að ná árangri í starfi og innleiða nýjungar.
• Færni til að tjá sig í ræðu og riti.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skulu fylgja greinargóðar upplýsingar um störf umsækjanda og menntun ásamt greinargóðum upplýsingum um þau verkefni sem hann hefur unnið að og varpað geta ljósi á færni hans til að sinna starfi verkefnastjóra fjármála og rekstrar.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Ida E. Jensdóttir, forstöðumaður skrifstofu fræðslu- og lýðheilsusviðs í 460-1454 og á netfangið ida@akureyri.is

Einungis er tekið á móti rafrænum umsóknum.

Umsóknarfrestur er til og með 10. ágúst 2026